Irizar ie bus autobusak teknologia % 100 elektrikoa du; zero igorpenekoa da, beraz. Gainera, hiri-mugikortasun jasangarri eta ekoeraginkor baterako soluzioa da, aldi berean, hiriko garraioaren egungo eta etorkizuneko premiak betetzeko. Ahalik eta energia-eraginkortasunik eta autonomiarik handienak lortzeko dago diseinatuta, baita balio-bizitzaren kudeaketa egokia lortzeko ere.

Autobus-modelo horren oinarri diren argudioetan, produktu guztiz segurua, fidagarria eta errentagarria dela esaten da, eta autonomia, eraginkortasuna eta fidagarritasuna egiaztatu zaizkiola.

Gaur egun, 12 metroko autobus-modelo hori eraginkortasun osoz funtzionatzen ari da Europako hainbat hiritan.

Irizar ie busa teknologia handiko ibilgailu bat da. Irizar Taldean garatutako teknologia da, kargarako, trakziorako eta energia biltegiratzeko sistemei dagokienez. Horri guztiari esker, Irizarrek mantentze-zerbitzu integrala eskain diezaieke operadoreei ibilgailuaren balio-bizitza osorako.

Autobusaren biltegiratze-sistema gai da energiaren fluxuak eta puntak identifikatzeko eta eraginkortasunez kudeatzeko.

Irizar ie bus (10 m eta 12 m) iraulketaren kontrako R/66.01 araudia betetzen duen merkatuko lehen autobus elektrikoa da.