Energia-kudeaketa eta biltegiratzea

Fabrikazio propioko bateriak

Energia kudeatzeko eta biltegiratzeko gure soluzioak, Adunako (Gipuzkoa) gure instalazioetan garatuak eta fabrikatuak, egungo merkatu europarraren beharrak asetzeko eta operadorearen eskakizun bakoitzari irtenbiderik onena emateko pentsatuta daude.

Hainbat irtenbide modular eskaintzen ditugu, Litio-Ion teknologian oinarrituta:

- Karga motela (Energy Pack): ibilgailuak ahalik eta km gehien zirkulatzeko eta eragiketa osatzeko pentsatua, egunean karga bakar batekin. Haren diseinuak autonomiaren eta pertsona-kopuruaren arteko oreka bilatzeko aukera ematen digu.

- Karga azkarra (Nano Pack): autonomiaren eta karga-potentziaren arteko binomio perfektua. Egokia da eragiketa mistoak egiteko, ibilgailuak gehienezko orduetan jarduteko autonomia nahikoa baitu. Karga motela edo azkarra izan daiteke.

- Karga ultra-azkarra (Power Pack): 600 kW-rainoko kargak dituen 24/7 eragiketa baterako soluzioa.

Gure Irizar bateria-sortak modularrak dira eta hozte-sistema likidoak dituzte, baterien balio-bizitza optimizatzeko eta ibilgailuek muturreko baldintza klimatologikoetan jarduteko aukera ematen dutenak.

Segurtasun elektriko, termiko eta mekanikoari buruzko Europako azken araudien araberakoak dira: R100.v2, R10.v5 eta UN38.3.

Bezeroarekin batera aztertzen ditugu haren beharrak, pack mota desberdinen esparruan irtenbiderik onena emateko.

Baterien bigarren bizitza

Baterien bigarren bizitza bat eskaintzen dugu Ibilekin sinatutako lankidetza-hitzarmen bati esker. Hitzarmen honen bitartez, gure bateriei bigarren bizitza bat emango zaie, eta horrela beraien bizitza erabilgarria bikoiztu egingo da. Gure autobusetan instalatzen ditugun bateriak berrerabili ahal izango ditugu, autobusean beren bizitza baliagarriaren zikloa osatu eta gero. Ibilgailu elektrikoa kargatzeko Ibil Repsolen zerbitzu estazioetan zabaltzen ari den azpiegituretan berrerabili ahal izango dira, energia gordetzeko, eta haien erabilerari lotutako potentziako elektronika ere berrerabili ahal izango da.

Ibilgailu elektriko baten funtsezko pieza dira bateriak. Baterien mende daude ibilgailuaren autonomia, prezioa, kargatzeko abiadura eta bizitza baliagarria. Hiriko autobus elektrikoen kasuan, bateriek 15 urteko bizitza baliagarria ere eduki dezakete, egunero eta potentzia handiekin kargatzen dira-eta. Denbora hori igarota, metagailu horiek ordeztu egin behar dira ibilgailuak jatorriko funtzionaltasun bera eduki dezan. Lehen bizitza hori amaitzeak, ordea, ez du esan nahi bateriak karga ahalmen guztia galdu duenik; beraz, ingurumenarekiko eta ekonomia zirkularrarekiko konpromisoan aurrera egiteko, bateriak bota beharrean berrerabili egingo dira, modu iraunkorrean, estazioetako biltegiratze aplikazioetan, energi eskaera egonkortzeko potentzia maila altuak dituzten ibilgailu elektrikoak kargatzen direnean.

Guk egoera horrentzat irtenbidea daukagu; izan ere, bigarren bizitzako bateriak Ibilen birkargatzeko puntuetan instalatu ahal izango dira energia biltegiratzeko, eta hartara denbora bikoitzean erabili ahal izango dira honako helburu hauek lortzeko: Sare elektrikoan beharrezkoa den potentzia murriztea eta horrekin azpiegituraren eragiketa kostuak ere murriztea, eta aldi berean potentzia handiko kargarako azpiegiturak zabaltzea ahalbidetzea, baita sare elektrikora konektatzea konplexuagoa eta garestiagoa den lekuetan ere. Horrez gain, kargarako azpiegitura hauei biltegiratzeko aukera gehituta, errazagoa da energia fotovoltaikoaren sorkuntza banatua sistema horretan integratzea, energia tokian bertan sortzeko.

Trakzio-sistema


Beste proiektu batzuetan, motor estandarizatuagoak erabiltzen dira, baina, kasu honetan, ibilgailuen motorrak Irizarrek bere produktuetan soilik erabiltzeko garatutako teknologiaren ondorio dira. Beraz, motorrak ezin hobeto egokitzen dira ibilgailuen ezaugarrietara.

Ateak eta klimatizazioa


Klimatizazio-sistema elektrikoa zero igorpeneko ibilgailu elektrikoetarako bereziki diseinatuta dago. Ibilgailuetan jartzen diren ateak eta arrapalak, elektrikoak zein eskuzkoak, Irizar Talde enpresek garatu dituzte.

Trakzio-sistema


Beste proiektu batzuetan, motor estandarizatuagoak erabiltzen dira, baina, kasu honetan, ibilgailuen motorrak Irizarrek bere produktuetan soilik erabiltzeko garatutako teknologiaren ondorio dira. Beraz, motorrak ezin hobeto egokitzen dira ibilgailuen ezaugarrietara.

Ateak eta klimatizazioa


Klimatizazio-sistema elektrikoa zero isuriko ibilgailu elektrikoetarako bereziki diseinatuta dago. Ibilgailuetan jartzen diren ateak eta arrapalak, elektrikoak zein eskuzkoak, Irizar Talde enpresek garatu dituzte.

Gidariari laguntzeko sistema


Gidariarekin komunikazioa segurua ezartzeko aukera ematen du. Horri esker, gidaria eraginkorragoa izan daiteke, eta haren eguneroko lanak eta bidaiariei ematen zaien zerbitzuak hobera egiten dute. Soluzio horrek hurbilketa-maniobretan, geldialdietan eta zirkulazioan sartzean laguntzen dio gidariari. Gainera, sistemak segurtasuna, erosotasuna eta puntualtasuna hobetzen ditu.

X