Irizar ie bus belaunaldi berria, zero igorpeneko autobusa, merkatura iritsi da teknologia eta diseinuan azken berrikuntzekin
13/11/2019
Irizar Taldeak Bikaintasun Saria irabazi du
27/11/2019

Irizar ie truck, Irizar Taldearen zero emisioko kamioi elektrikoa, izan da World Smart City sariaren irabazlea, Ideia Berritzailearen kategorian

Adunan, 2019ko azaroaren 21

2019ko Smart City Expo World Congress delakoan, Irizar ie truckak World Smart City saria irabazi du Ideia Berritzaile kategorian, mugikortasun eskuragarria, moldakorra eta eraginkortasun energetiko handikoa izateagatik hiri-zerbitzuetako ibilgailuentzat.

Sari hori FCC Medio Ambiente enpresak jaso du, hark aurkeztu baitu proiektua, eta oso maila altuko beste batzuekin lehiatu da.

Gogoratu behar da Irizar ie truck, %100 elektrikoa den kamioia, Irizar Taldeak eta FCC Medio Ambientek gidatutako partzuergo batek garatu duela. Trakzio elektriko iraunkorreko kamioia da, entxufagarria potentzia handiko bateriekin, kabina baxua eta aurreratua du, hiri-zerbitzu guztietan erabiltzekoa da eta ekonomikoa bere industria-garapenarengatik.

Kamioi horren lehen helburu estrategikoa ingurumen-onura handiak dituzten hiri-zerbitzuetan mugikortasun elektriko eskuragarria ezartzen laguntzea da, hala nola emisio kutsatzaileak eta zarata erabat murriztea, karbono-aztarna murriztea eta energia-eraginkortasuna maximizatzea.

Txasis honek etorkizuneko hiri-ibilgailua eskaintzen die udalei arrazoizko prezioan, bai funtzionaltasun guztietarako aplikagarri egiten duen modulartasunagatik, bai osagaien iraunkortasunagatik eta baita kontsumoa optimizatzen duen transmisio elektriko iraunkorreko teknologiagatik ere.  Plataformaren lehen aplikazioak, dagoeneko martxan dagoenak, hondakinak biltzeko alboko karga-karrozeria bat du, eta horrek esan nahi du zerbitzu osoa %100 elektrikoa dela (Zero Emission Vehicle Zev), ohiko motor baten errendimendu berberarekin, baina energia-kontsumoa %50 ingurukoa, eta soinu-emisioak, kutsatzaileak eta CO2 izugarri murrizten dituena.

Beharrezkoa bada, gas natural konprimituzko motor osagarri bat gehitu dakioke, bateriak energia eta emisio kontsumo gutxieneko abiadura konstantean kargatzen dituena.  Erabat elektrikoa edo erregai pila bidez elikatua ere diseinatu daiteke.

Gaur egun hiri ezberdinetan lan egiten duten 30.000 diesel ibilgailu astunek sortzen duten karbono-aztarnarekiko urtean milioi bat tona C02 eta 9,000 GWh baino energia gehiago aurreztea ekar dezake.

FCC Medio Ambiente

Berrikuntza FCC Ingurumenaren DNAn dago; 45 urte baino gehiago daramatza mugikortasun elektrikoan ikertzen.  Gaur egun 16.000 ibilgailu baino gehiagoko flota du, horietatik 821 unitate elektrikoak dira eta 1.305 GNK edo Bi-Power motakoak.

Irizar Taldea

Irizar nazioarteko presentzia duen enpresa talde bat da, eta gaur egun sei jarduera sektoretan dihardu: bidaiarien garraioa, elektromugikorasuna, elektronika, motor eta sorgailu elektrikoak, konektibitatea eta energia.

Taldea zazpi markak osatzen dute (Irizar, Irizar e-mobility, Alconza, Datik, Hispacold, Masats eta Jema) eta haien jarduna 13 ekoizpen lantegitan garatzen dute Espainia, Maroko, Brasil, Mexiko eta Hegoafrikan. Gainera, I+G Zentro bat ere badu.

3.300 lagunek baino gehiagok osatutako talde sendoa da, bost kontinenteetan presente, eta 700 milioi euro baino gehiagoren salmenta bolumenarekin. Irizarren egoitza nagusia Ormaiztegin (Gipuzkoa) dago, eta han dago Creatio ere, Irizar taldearen Ikerketa eta Garapenerako Zentroa.  1889an sortu zelarik, geografikoki eta industrialki dibertsifikatuta dagoen eta etengabe hazten ari den taldea da, eta apustu irmoa du egina markaren, teknologiaren eta jasangarritasunaren alde.

 


X