Ahalik eta segurtasunik handiena bidaiarientzat

Errepideko arazoak saihestea Irizar ibilgailu guztientzako eskakizuna da, eta segurtasun aktibo eta pasiboa gure produktu eta zerbitzuen garapeneko alderdi estrategikoak dira.

Gure ibilgailu elektrikoak Europako araudirik zorrotzenak betetzen dituzte. Irizar ie bus (10,8 m eta 12 m) iraulketaren kontrako R/66.01 araudia betetzen duen merkatuko lehen autobus elektrikoa da.

Gure ibilgailuen egitura zurruna eta sendoa alboko zein aurreko talkak jasateko eta alboko iraulketa saihesteko dago diseinatuta. Gure autobusek merkatuko segurtasun aktiboko mekanismo zorrotzenak dituzte.

Gainera, hainbat klaxon-irtenbide eskaintzen ditugu, baita oinezkoak detektatzeko eta hauen segurtasunerako ikusmen artifizialeko sistemak ere.

Gidaria, protagonista

Gidariaren lekua diseinatzerakoan, lehentasuna ematen diogu ergonomia, erosotasun, funtzionaltasun, segurtasun eta zerbitzu kontzeptuei, EBSF (etorkizunerako autobusen Europako sistema - UITPk kudeatutako Europako proiektua) eta VDV arau berriak betez.

Kontroletarako sarbidea, soinua eta alderdi mikroklimatikoak hartu ditugu kontuan, gidatzea errazteko eta gidariaren nekadura txikitzeko. Haren bidaiari-lekuak zero isuriko klimatizazio-ekipamendu independentea du, hotz funtzioarekin (3,5 kW) eta bero funtzioarekin (8 kW).

Haren segurtasuna ere bermatu nahi dugu, kabinaren ikuskera optimizatua erabiliz: sarbide erosoa eta ergonomikoa du, ingurua oztoporik gabe ikus dezake, eta banaketa eta irtenbide modularrak erabili dira (kabinaren ateak segurtasun-leihoa izan dezake, edo kabina itxita egon daiteke).

Jarlekuak diseinatzean, gidarien morfologia desberdinak hartu ditugu kontuan. Eta horiek pertsonalizatzeko hainbat aukera eskaintzen ditugu, teknologia aitzindariak integratuz, hala nola EcoAssist teknologia, gidariari denbora errealeko laguntza ematen diona, ibilgailuaren energia-kontsumoa txikitzeko eta, beraz, autonomia handitzeko.

X